A Escola de Hostalaría oferta para profesionais do sector unha formación para un servizo responsable de bebidas alcohólicas

A Escola de Hostalaría da Fundación Belarmino Fernández Iglesias oferta un taller sobre o Servizo responsable de bebidas alcohólicas, destinado a profesionais do sector hostaleiro. Unha formación que se desenvolverá de xeito online e gratuita o vindeiro 23 de novembro ás 12:00.

O obradoiro ten como obxectivo comunicar e concienciar sobre a dispensación responsable de alcohol a través de información sobre os distintos tipos de bebidas, os efectos e a lexislación vixente na venta e consumo en hostalaría. Do mesmo xeito será un punto de encontro no que se exporán os falsos mitos en torno ao alcohol; daranse a coñecer propostas de consumo responsable e que ao mesmo tempo poidan atraer aos clientes. Trátase dunha formación impulsada a través da Escola de Hostalaría e a asociación Espirituosos España, xunto co concello e a unidade asistencial de drogodependencias de Monforte de Lemos.

Para asistir á formación debe enviarse un correo electrónico cos datos da persoa interesada, e o negocio no que se traballa a jconversa@espirituoso.es, desde onde se remitirá un enlace ao que conectarse.