RESTAURANTE – Fundación Belarmino Fernandez

Gastroaula Belarmino Fernández Iglesias

Dende O CPR Belarmino Fernández Iglesias queremos que o noso alumnado dos Ciclos Formativos de Graos Medios en Servizos en restauración e de Cociña e gastronomía se forme e aprenda o seu labor en situacións reais. É por isto, polo que contamos cunha Gastroaula aberta ao público en xeral, onde o noso alumnado porá en práctica os coñecementos que vai adquirindo.

POLÍTICA DE USO:

A Gastroaula permanecerá aberta de luns a venres nos meses de Febreiro a Maio segundo o calendario escolar.
O horario e recepción de comensais comezará ás 14:00 horas e a experiencia finalizará ás 15:50. Rógase puntualidade.
Polo noso compromiso coa sustentabilidade e o medio ambiente, as reservas deberanse facer con unha semana de antelación, fixando como data límite de reserva o mércores da semana anterior.
Os comensais con intolerancias ou alerxias alimentarias deberán comunicalo no momento de facer a reserva.
Poderán disfrutar a mesa completa da seguinte oferta gastronómica que deberán seleccionar ao realizar a reserva:
- De luns a venres poderán elexir entre o Menú do día* ou Menú executivo**.
- Os martes e mércores poderán degustar o noso menú gastronómico***, mezcla de tradición e modernidade.
Todos os menús están elaborados con materias primas segundo mercado.
A partires de 10 comensais consultarase aforo.

*Menú do día inclúe primeiro prato, segundo prato, postre, auga e café (13€).

**Menú executivo inclúe aperitivo, dous entrantes, prato principal, postre, auga e café (18€).

***Menú gastronómico inclúe cóctel, aperitivo, dous entrantes, dous principais, postre, auga e café (26€).

Reserva a túa mesa para vir a comer a nosa Gastroaula, na que o alumnado dos Ciclos Formativos dos Graos Medios de Cociña e gastronomía e de Servizos en restauración farán da túa estadía no Centro unha xornada gastronómica única. Lembra que durante a experiencia o alumnado está en clase polo que se deberá respectar o traballo que se está a realizar.