A Fundación Belarmino Fernández Iglesias realiza unha homenaxe póstuma a Luis Caramés polo seu incansable labor

A figura de Caramés foi fundamental para a Fundación, que a situou como un lugar de referencia na Ribeira Sacra

A Fundación Belarmino Fernández Iglesias realizo esta mañá unha homenaxe póstuma ao seu antigo presidente, Luis Caramés Viéitez, falecido a comezos do pasado mes de xuño.

O presidente de honra da Fundación, Belarmino Fernández Mazorra, destacou a figura de Caramés, polo seu incansable traballo na continuación da visión do fundador, o que permitiu que tanto a Fundación como a Escola sexan dous lugares de referencia na Ribeira Sacra, como dinamizadores da vida económica, social, cultural e do coñecemento.

O acto tamén contou coa participación dos seus familiares, D. Francisco Conde López, vicepresidente segundo e Conselleiro de Economía, Empresa e Innovación, e amigos, entre eles, D. Ramón Villares.

Dende a Fundación Belarmino Fernández Iglesias aseguramos o compromiso de seguir traballando nos proxectos que Caramés encamiñou e fortalecer así o seu legado.