A marca pescadeRías achega ao alumnado do CPR a importancia da trazabilidade dos produtos do mar

O alumnado de 1º do Ciclo Medio de Cociña e Gastronomía recibiu esta mañá formación relacionada co correcto etiquetado dos produtos do mar e a trazabilidade dos mesmos. Para poñer en valor no traballo dos profesionais do mar en Galicia, Josefa Pardo Vuelta, de Ardora Formación y Servicios S. Coop. Galega y técnico da marca pescadeRías, impartiu unha charla online na que deu a coñecer todos os detalles deste selo de identidade da Consellería do Mar.

Un dos obxectivos desta charla foi destacar a importancia da pesca artesanal, representada pola Alianza pescadeRías & pescaenverde, dous distintivos que aportan datos clave aos consumidores da procedencia dos produtos do mar, sendo garantía de frescura, calidade e un correcto coidado do medio ambiente nun mercado tan competitivo como o actual.

Como futuros profesionais do mundo da hostalería, durante a xornada coñeceron tamén as ferramentas dixitais, como a app pescadeRías, de onde se non?, que proporcionan información sobre pescados e mariscos, aprenderon sobre vedas e tempos óptimos de consumo, así como seguridade alimentaria nos produtos pesqueiros, como o control de biotoxinas e depuración de bivalvos. Destes moluscos, ademais, recibiron información para recoñecer aqueles que son de interese comercial.