Luis Caramés participará na apertura das actividades “Construíndo Futuro” da Universidade mexicana de Michoacana

O próximo 26 de outubro o presidente da Fundación Berlamino Fernández Iglesias, Luís Caramés Viétez, será o responsable de impartir a conferencia inaugural do acto “Construíndo Futuro”, organizado pola universidade Michoacana de San Nicolás de Hidalgo.

“Estratexias económicas ante a pandemia, o plan de relanzamento da Unión Europea” é o título sobre o que versará a conferencia maxistral, que impartirá de forma online, e na que o profesor da Universidade de Santiago de Compostela expoñerá cal é o resposta dada e prevista pola EU #ante a actual situación sanitaria, social e económica, e na que o profesor de economía do centro universitario mexicano Ibrahim Santacruz Villaseñor exercerá de moderador.

Programación

O acto forma parte da programación da facultade de Economía. Un encontro incluído nas actividades de celebración do XLIV aniversario, que comeza o vindeiro luns coa apertura a cargo do reitor da universidade mexicana, Raúl Cárdenas, e que continuará ata o xoves 29. Catro días de encontros nos que se realizarán intervencións ao redor da situación económica que se expón no actual escenario sanitario e económico e a afectación que ten sobre o mesmo a COVID-19. Así, ao longo destas xornadas tratarase a situación da débeda en México ante a situación de pandemia e como se atopa o mapa dixital do país, así como o futuro do turismo tras a COVID19, interpretando a posibilidade dun rexurdir a través do turismo circular.